16:37 Sep 12, 2008   发表日志

沒有米基的日子 第1天

尋日睇完爸爸封信, 竟然一個字都冇回, 因為我已經知道講咩都冇用, 而我竟然令3個最愛我既人傷心, 根本冇面目見大家。

米基已經決定左要同我分開, 我既心就好似死左一樣, 問我想繼續一起定係分開, 我已經俾唔到任何答案, 因為無論之後條路點行, 都係痛苦。勉強留住係痛苦, 失去佢亦係痛苦。何況我冇資格去選, 我心已死, 隨便點樣可以令米基仔開心D, 我就去配合。

愛情雖然唔係一切, 但我由於個人的自私同任性, 拆散左自己未來既家庭, 同人地對我既期許, 失去佢以後, 我知道再活下去我會係更加行屍走肉同討厭自己, 而我永遠唔會再搵到第二個人取代佢。

我做錯既事太多, 然而後悔亦無法回頭, 時光亦唔會倒流, 我只希望係最後一晚, 再親手煮平時我煮俾米基食既晚餐, 再煮平日煮俾佢飲既湯, 因為以後自己一個我唔會再煮, 亦唔會將我同米基仔之間既回憶同任何人分享。即使明明已經變味, 但我想留住最後一刻一起食飯既感覺...

其實我好恨我自己係咁樣... 只係覺得自己一文不值, 點解米基要為我承受咁多痛苦.....

Category: qq空间日志阅读(1147) 评论(0)